租展架展櫃,早鳥優惠低至每月$3000
> 主頁   
博客資訊

做樓奴 2016年09月21日

都成三十五歲人,同女朋友都拍左六、七年拖,都好穩定,阿媽同女朋友都話係時候成家立室,酒席之類都不是大問題,女友唯一要求就係要買樓,話想有自己物業,都係既,唔通第二時生左小朋友仲同阿爸阿媽住咩?香港地少人多,阿爸阿媽都係住緊公屋,都幾十年啦!好彩董建華做特首既時候搞個居者有其屋,當年每個月供二千幾蚊供左5年就供斷左,一家人先叫可以安居樂業。

同阿爸傾下樓市,阿爸話.都未到中央講既五十年不變既2047年,香港樓市明年2017年就要面對一國兩制資產定價既問題.2047咁遙遠,到時我都退休,如果明年就有機會出問題 咁就唔同講法,金管局於2012年收緊按揭,年期上限係30年,計返我同女朋友手上既資金,最快都要出年6月先夠錢,做30年按揭就會跨過2047年一國兩制大限,銀行真係唔知會唔會批30年按揭。阿爸又話,當年美孚新村初發售都係十幾二十萬,宜家郁d都成千萬,以前好多打工仔唔敢做按揭,80年代一間唐樓幾萬蚊,打工仔死慳死抵儲錢都可以一炮過買樓,當年真係炒樓既黃金時期。

講返正題,我同女朋友去同地產經紀傾過,手上都有d數據,根據純計,2016年全港有90憐一手私宅項目,合共30200伙可供發售,數量比預測2015年既33751伙回落10.5%.但仍然係過去8年第三高。按地區分,新界區供應維持最多,涉及項目有42個,18374伙,佔2016年整體供應接近61%,當中又以元朗、荃灣同西貢區佔多。九龍區新盤供應主要集中九龍城區,19個項目提供超過6500伙。至於港島區,雖然冇過千伙既大盤,但2016年都有唔少中型項頂起個供應量,由2015年預計既3094伙,大幅増加42%至4389伙。

其實每年年頭都有咁既數據用黎嘛人,話就話30220伙,好似好多咁,但其實每年會賣既都係大約10000-15000伙左右。

市區d樓太貴,買得起既,呎數又唔會大得去邊,考慮將來有小朋友,至少都要兩房一廳啦!所以我同未來老婆都係考慮新界區多,之前屯門區重現二百幾萬物業,都吸引唔少人上車,新界西一向都係新盤供應重災區,不過有危就有機.二手樓價反彈乏力,準買家都可以多d機會上車,好似愛琴海岸兩房兩廳賣398萬,實用面積490呎,實用呎價8122元.都算係熱門既中產屋苑,又近黃金海岸,個實用呎價都幾吸引。

另外,沙田區社區配套優質,同東西九龍都係一山之隔,俾心機搵都有唔少荀盤。例如廣源邨實用面積443呎,呎價4266元,賣189萬,都係個幾好既選擇。

我同女朋友都有傾過下投資地產,就係買遠期樓花,可以選擇建築期付款優惠,於建築期內分期付款俾首期,亦都可以待入伙之後先申請按揭找尾數.好處就係唔洗即時供樓,又可以將物業袋住先。但係經紀佬都同我地分析過,遠期樓花係有伏位既,近期將軍澳熱賣新盤Savannah,早前一個以建築期付款方法上車既買家簽訂臨時買賣合約之後跳船,發展商殺佢訂,一個星期就冇左成26萬,唸個買家寧願殺訂都唔上車,主要原因都係對後市缺乏信心,一旦入伙後樓價比現價跌兩至三成,買家就會面對銀行估價不足問題,到時候又要另外籌集資金先可以上車,不同撻訂,輸少當嬴。所以買遠期樓花,自住好、投資好,都要做好風險管理,特別係要評估自己承受蝕價既能力,如果財力夠,就不如選擇即供,避免之後要處理銀行估價不足既問題。

總之一句講晒,樓市投資要淡定,淡定先會有錢剩!

相關資訊: 投資地產, 炒樓



名字: Louis Cheung
暱稱: 炒樓大王
此博客共有23篇文章

會員留言:

如要留言, 請先登入登記


留言版:
沒有留言


上一篇: 投資地産心得
下一篇: 新界樓價升升升!
無敵海景內置上天台,...
深井 南岸
售 $1,600萬 (沒有提供)
溱柏3房 靚裝荀價
元朗 溱柏
售 $0萬 (沒有提供)
西半山承德山莊...
西半山 承德山莊
(沒有提供) 租 $30,000